Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Yii a Abɩɩ Zarr nengẽ, -Wẽnd yarde be a yĩnga- a yeelame: Mam yeelame : Wẽnd Tẽn-tʋʋma bãkã ko-tees yaa ne bõe? Tɩ Nabiyyamã yeele: «m wẽen ne a Mohammad yõorã sẽn be Ning nugẽ wã, ad bãkã ko-teesã waooglemã yɩɩda saaga ãdse la a bõn-witi, tɩ b woglemã yaa wala yʋng lik sẽn ka tar sawat keelem, arzãnã ko-teesã ned sẽn yũ b pʋgẽ, a kõn n leb tall ko-yũud lae ye, sambond a yiib n kiigd arzãnẽ wã, ned ning sẽn yũ fãa a kõn n tol n tall ko-yũud ye, a yalmã zarem yaa wala sẽn be Amaan n tʋg tãag ɭɩla, a koomã peelem yɩɩda bĩisim t’a noomã yɩɩd sɩɩdo».
Muslim
Nabiyaamã, -Wẽnd pʋʋsg la A tɩlgr be a yĩnga-, a vẽenegame, tɩ ad yẽ bãkã ko-teesã dũni yikr raarã, b waooglem yɩɩda saaga ãdsã la a bõn-witi wã, La woto vẽnegda kiuug sẽn ka be yʋng lik pʋgẽ, bala yʋng ning kiuugã sẽn be wã, ãdsã ka pukd wʋsgo, kiuugã peelmã rɩk-b lame, tɩ b solge, la yʋng lik nink sawat sẽn ka be wã, bala sawatã belmã yaa bũmb sẽn gɩgdg ãdsã yãabo, A leb n wilgdame tɩ arzãnã ko-teesã, ned ning sẽn wa n yũ bõn-yũudi nins sẽn be beenẽ wã, ko-yũud ka le yõkd-a lae, yẽnda yũubã la ko-yũud baasg sẽn na n paam neda, A leb n wilgdame t’a bãkã sẽn be arzãnã yaa sãmbond a yiib sẽn be arzãnã n kiigd a pʋgẽ, la a yalmã la a woglemã yaa yembre; Rẽnd bãkã, a veen-n-vɩɩsã fãa zemsa taaba, a woglemã yɩta wala zãrem sẽn be Ammaan, yẽ me yaa tẽng sẽn be Saam wεεngẽ wã, n tʋg n tãag Ayla, yẽ me yaa tẽnga sẽn leb n be Saam kɩremsẽ wã, La bãkã koomã, a peelmã yɩɩda bĩisim, t’a noomã yɩɩd sɩɩdo.
Yii a Abɩɩ Hurayra nengẽ, -Wẽnd yard be a yĩnga-, tɩ Wẽnd Tẽn-tʋʋmã, -Wẽnd pʋʋsg la A tɩlgr be a yĩnga-, yeelame: «Yãmb dũni rãmb Bugmqa bεk sẽn pʋɩ zĩis pîs-yopoe ne Gεhannem Bugmã », la b yeele: yaa Wẽnd Tẽn-tʋʋma, ad yẽ meng sekame, la a yeele : «ad laahr Bugmã b yɩɩs-a-la ne dũni bugmã noor pis-yoob la a wae, a yembr fãa yaa wala dũni bugmã tʋʋlem».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, kõta kibare tɩ dũni bugmã a yaa pεdga sẽn yi Gεhannem Bugmã pos-yopoe a yembre, Rẽnd yaoolem raarã Bugmã, a tʋʋlmã pãng yɩɩda dũni bugmã noore pis-yoob la a wae, la bεk fãa a tʋʋlmã zemsa wala dũni bugmã tʋʋlem. Tɩ b yeele : «yaa Wẽnd Tẽn-tʋʋmã, ad dũni bugmã seka ne tall n nams ned ning sẽn be a pʋgẽ», T’a yeele: «ad Gεhannem Bugmã b yɩɩs-a-la ne dũni bugmã noor pis-yoob la a wae, a yembr fãa yaa wala dũni bugmã tʋʋlem».
Yii a Ziyaad ɭbn Labiid nengẽ, -Wẽnd yard be a yĩnga-, a yeelame: Nabiyaamã, (Wẽnd pʋʋsg la A tɩlgr be a yĩnga), tẽega bũmb yell n yeele: “ ad rẽnda yaa bãngr loogr sasa la a yɩta” tɩ mam yeele, yaa Wẽnd Tẽn-tʋʋma, bãngr loogda wãnã, tɩ tõnd karemd Alkʋrãanã la d wilgd-a d koamba, tɩ tõnd koambã me karemd-a n na n wilg b koamba, n tʋg tãag dũni yikr raare? La Nabiyaamã yeele: “fo ma wã sã n rag n ka rog foom, rẽ n são yaa Ziyaade, m da neeme tɩ Madiin pʋgẽ, ned sẽn yɩɩd ne bãngr yaa foom, rẽ yĩnga fo ka ne tɩ Yahuud-rãmbã la Nasaar-rãmbã karemda Tawraat la Lingiil laa? La b ka tʋm ne baa fʋɩ sẽn wa b yiibã pʋgẽ ye?!”.
Ibn Maajah
Nabiyaamã, (Wẽnd pʋʋsg la A tɩlgr be a yĩnga), a rag n yɩɩme n zĩẽ a sahaabsã sʋka, n togs wakat ning b sẽn na n zẽk bãngre la b reeg-a nebã nengẽ, Rẽnd a Ziyaad ɭbn Labiide, -Wẽnd yard be a yĩnga-, sẽn yaa Madiin nedã, maana yel-solemde, n na n sok Nabiyaamã, (Wẽnd pʋʋsg la A tɩlgr be a yĩnga), A yeelame: «bãngr loogda wãnã tõnd sʋkã, tɩ tõnd karemd Alkʋrãanã, n duls-a, m wẽen ne Wẽnd tɩ d na n karem-a-la d pagba la d koamba la tõnd yagemse, La Nabiyaamã, (Wẽnd pʋʋsg la A tɩlgr be a yĩnga), yeele, n maan yel-solemde: “fo ma wã kong-f lame yaa Ziyaade, ad mam da geelda foom n lagem Madiin bãngdbẽ wã! Rẽ poorẽ, Nabiyaamã, (Wẽnd pʋʋsg la A tɩlgr be a yĩnga), vẽnegd n wilgdame, tɩ ad bãngrã kaalgã, a ka Alkʋrãanã kaalg ye, a yaa b sẽn wat n kong tʋʋm ne-a wã, Bala woto yaa Tawraat la Lingiil sẽn be Yahuud-rãmbã la Nasaar-rãmbã nengẽ, la sẽn lagemd ne rẽ fãa, ka naf-b ye, b ka paam nafa b pʋgẽ wã, la rẽ me yaa b tʋm ne-ba.
Yii a Tawʋʋs nengẽ, a yeelame, mam paama neb sẽn yaa Wẽnd Tẽn-tʋʋma, (Wẽnd pʋʋsg la A tɩlgr be a yĩnga) sahaabsẽ wã, tɩ b yetẽ, tɩ bũmb fãa tũuda ne a Wẽnd kordogo (Wẽnd pʋlenga), a yeelame, mam wʋma a Abdʋllaah ɭbn Ʋmar, -Wẽnd yard be b yiibã yĩnga-, t’a yetẽ, Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Bũmb fãa tũuda ne Wẽnd pʋlenga, halɩ n tʋg n tãag kongre, la yam, maa yam sɩlem la kongre».
Muslim
Nabiyaamã, (Wẽnd pʋʋsg la A tɩlgr be a yĩnga), vẽnegame n wilgi, tɩ bũmbã fãa yaa ne kordgo; Halɩ n tʋg n tãag kongre: yẽ me yaa fo sẽn na n bas bũmb ning sẽn yaa tɩlae ne foom tɩ f maanã, la f leb n maan maas-maasa, n yaoond-a n yi a wakatã, sẽn yaa dũni la laahr yεla. Halɩ n tʋg n tãag sɩlem: yẽ me la yĩng yẽegre la yam bedre, dũni wã yεla la laahr yεla. La leb n wilgdame tɩ Wẽnde, -A Naam yɩlgame n zẽke-, Yẽ n kord kongre, Yẽ la Tõod ne bũmb fãa gilli, ka yɩt yel-yɩtɩ wã pʋsẽ, rẽnda bũmb ning sẽn da reng Wẽnd minim la A raab pʋgẽ.
Yii a Matar ɭbn Ʋkaamis nengẽ, -Wẽnd yard be a yĩnga-, a yeelame: Wẽnd Tẽn-tʋʋma, (Wẽnd pʋʋsg la A tɩlgr be a yĩnga), yeelame: «Wẽnd sã n bʋ yamba, t’a ki tẽng ninga, A maanda tʋlsem ne yambã tɩ be tẽn-kãng pʋgẽ, t’a kẽnge».
At-Tirmidhi
Nabiyaamã, (Wẽnd pʋʋsg la A tɩlgr be a yĩnga), kõta kibare, tɩ ad Wẽnde, A sã n bʋ la A kord ne yamba, t’a na n kii tẽnga, tɩ mik t’a ka be tẽn-kãng pʋgẽ, la A sẽn maan tʋlsem t’a kẽng beenẽ, tɩ b tʋg n yã-a, n reeg a yõorã beenẽ.
Yii a Aisa nengẽ, Wẽnd yard be a yĩnga, a yeelame: Mam yeelame : Wẽnd Tẽn-tʋʋma, a ɭbn Gʋd’aan ra yɩɩme, Zɩɩlem wakato, n da tõkd rogem la a rɩlgd nimbaan-nebã, la rẽ yĩnga, rẽnda nafd-a lame bɩ ? t'a yeele:« Ka na n naf-a ye, a ka yeel baa raar a yembre : “m Soab a Wẽnde! Yaaf maam m tʋʋm tuuti wã Dĩinã rolb raare».
Muslim
Nabiyaamã, Wẽnd pʋʋsg la A tɩlgr be a yĩnga, kõo kibare, a Abdʋllaah ɭbn Gʋd’aan yelle, a ra yɩɩme, n yaa korays zu-soab-rãmb a yembre, taoor tɩ lɩslaang na n ka wa ye, La sẽn da be a tʋʋm sõmbsã pʋgẽ, a ra yɩɩme, n tõkd rogem, la a manegd-ba, la a rɩlgd nimbãan-neba, la zẽng sẽn ka yɩ ne rẽnda, sẽn yaa tʋʋm sõmbs nins lɩslaangã sẽn pirs tɩ b maan-ba, Nabiyaamã kõo kibare tɩ tʋʋm-kãensã, ka na n tol n naf-a Laahr raare, la rẽ yaa a kɩflemã sabab yĩnga, bala a ka tol n yeel baa raar a yembre : “m Soab a Wẽnde! Yaaf maam, m tʋʋm tuuti wã, Dĩinã rolb raare”.
Yii a Hakɩɩm ɭbn Hizaam nengẽ, -Wẽnd yard be a yĩnga-, a yeelame: Mam yeelame: Wẽnd Tẽn-tʋʋma, kõ maam kibare, tʋʋm mam sẽn da tʋmde, Zɩɩlem sasa wã, sẽn yaa doaag maanego, la yembd bas burkĩndi, la rogem tõkre, rẽ yĩnga keoor buud n be a pʋgẽ bɩɩ ? Tɩ Nabiyaama, -Wẽnd pʋʋsg la A tɩlgr be a yĩnga-, yeel-a: “ fo tuubame n lagem ne f tʋʋm nins fo sẽn da tʋm tɩ loog tɩ yaa sõmã wã».
Al-Bukhari and Muslim
Nabiyaamã, -Wẽnd pʋʋsg la A tɩlgr be a yĩnga-, vẽnegdame n wilgdẽ, tɩ kɩfre, a sã n tuubi, b kõt-a-la yel-sõmde ne a sẽn da tʋm tʋʋm ninsi, Zɩɩlmã sasa taoor t’a na n ka kẽ lɩslaangã, tɩ yaa wala sara la yembs bas burkĩndi la rogem tõkre.
Yii a ɭbn Ʋmar nengẽ, -Wẽnd yard be b yiibã yĩnga-, tɩ yii Nabiyaamã nengẽ, -Wẽnd pʋʋsg la A tɩlgr be a yĩnga-, a yeelame: «munaafɩk bilgri, a yaa wala pesg b sẽn peng rot a yiib sʋka, tɩ b pengd-a n kẽngd kaanẽ vugri, raar ning tɩ b leb n tall-a n kẽng rũng ro-kãngã».
Muslim
Nabiyaamã, -Wẽnd pʋʋsg la A tɩlgr be a yĩnga-, vẽnegda munaafɩk halhaal hadiisã pʋgẽ, n wilgdẽ, t’a yaa wala pesg ning sẽn kẽngd rũn-bãg a yiibu la a watẽ, a ka mi yaa rũn-bãg pʋd la a na n pʋge, Wakat ninga a zoet n pʋga rũn-bãg-kãngã, la wakat a to t’a leb n zoet n pʋgd rũn-bãg-kãngã, Rẽnd munaafɩgsã yaa neb sẽn yirb sɩd-kũunã la kɩfẽndã sʋka, bãmb n ka sɩd-kõtb zãnga, sẽn solg la sẽn vẽnege, b leb n ka kɩfr-rãmb me ye, sẽn solg la sẽn vẽneg ye, b yɩngẽ wã b bee ne muumin-rãmba, la b pʋgẽ wã, b bee sik la tarb pʋgẽ, wakat ninga tɩ b kɩll n tʋg bãmbã nengẽ, tɩ wakat a to tɩ b kɩll n tʋg bãmbã nengẽ.
Yii a Abdʋllaah ɭbn Amr ɭbn Al-ass nengẽ, -Wẽnd yard be b yiibã yĩnga-, a yeelame : Wẽnd Tẽn-tʋʋma, -Wẽnd pʋʋsg la A tɩlgr be a yĩnga-, yeelame: «Ad sɩd-kũunã kʋdgda yãmb yembr fãa nengẽ, wala fuug sẽn kʋdgd to-to ningã, bɩ y kos Wẽnd t’A palms sɩd-kũunã y sũy wã».
Al-Haakim
Nabiyaamã, -Wẽnd pʋʋsg la A tɩlgr be a yĩnga-, kõta kibare, tɩ liimaoongã, a kʋdgda lɩslaam sũurẽ, n valemse, a bilg-n-taar yaa wala fu-paall sẽn wat n kʋdge, a yeelgrã sẽn kaoosã yĩnga; La yẽnda yaa kʋɩɩng maaneg tũudmã pʋgẽ wã yĩnga, maa Wẽnd kɩɩsgã tʋʋma la ninsaal bõr a meng yamleoodã pʋgẽ wã. Tɩ Nabiyaamã, -Wẽnd pʋʋsg la A tɩlgr be a yĩnga-, kãndag tõndo n wilg-do tɩ d kos Wẽnde, -A Naam zẽkame-, t’A palms d sɩd-kũunã, la rẽ yaa d sẽn na n yik ne faril-rãmbã la d wʋsg ne Wẽnd yʋʋrã tẽegre, la Wẽnd yaafg kosg wʋsgo.
