Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Abii Hureyra -Allaha ka raali ahaadee-wuxuu Rasuulka ka wriyey-naxariis iyo nabadi korkiisa ha ahaatee- inuu yiri: "Allaha nafta Maxamad gacantiisa ku jirtaan ku dhaartee qofka i maqla ee ummaddan ka mid ah yahuudi ama nasraani-kuu doonaba ha ahaadee-, ee dhinta isagoon rumayn xaqa la ila soo diray wuxuu ahaanayaa kuwa naarta gala".
Muslim
Nabigu-naxariis iyo nabadi korkiisa ha ahaatee-wuxuu ku dhaartay qofka maqla Nabiga scw oo dacwada islaamku gaadho, yahuudi iyo kiristaan iyo wuxuu doonaba ha ahaadee, ee dhinta isagoon islaamin, inuu ahaanayo mid naarta gala oo ku waaraya waligiiba.
Caa'isha iyo Cabdullaahi Binu Cabaas Allaha ka wada raali ahaade waxay yiraaheen: Markuu ku soo dagay Rasuulka Ilahay scw sakaraadka geeridu wuxuu bilaabay inuu wajiga iska saaro cimaamad oo uu lahaa, markuu sakaraadku ku sii kordhana wuu iska qaadaayey, wuxuu yiri isagoo xaaladdaa ku sugan:" Allaha lacnado Yuhuud iyo Nasaaro, qubuuraha nabiyadooda ayey masaajid ka dhigteen" wuxuu ka digay waxay sameeyeen.
Al-Bukhari and Muslim
Caa'isha iyo Cabdullaahi Binu Cabaas Allaha ka raali ahaade waxay ka sheegan in markii Rasuulka Ilahahay uu ku dhacey sakaraadku, uu bilaabey inuu wajiga iska saaro maro, marka neeftu ku dhagto sakaraadka awgii uu iska qaadayey, wuxuuna dhahayey isagoo xaaladdaa adag ku jira: Allaha lacnado Yuhuud iyo Nasaaro oo ha ka fogeeyo naxariistiisa, sababtoo ah waxay ka dul dhiseen qubuuraha nabiyadooda masaajid, haduuna arinkaasi khatar wayn ahayn Nabiga oo xaalad sakaraad taagan muuna sooqaadeen, sidaa darteed wuxuu ka reebay Rasuulku-naxariis iyo nabadi korkiiye- ummaddiisa inay sidasoo kale la yimaadaan oo ay u ekaadaan Yuhuuda iyo Nasaarada, waayo waa ficil yuhuud iyo nasaaro ay ku tilmaaman yihiin, waana wax u jiidi kara qofka inuu Ilaahay u shariig yeelo.
Abii Hurayra Allaha ka raali ahaade Nabiga wuxuu ka wariyey: Ilaahow ha ka dhigin qabrigayga Sanam, Ilaahay wuu lacnaday qoladii ka dhigata qubuurta ambiyadooda masaajid.
Ahmad
Nabigu scw wuxuu ka baryey Rabigii inuusan ka dhigin qabrigiisa sida sanamka ay dadku caabudaan, iyagoo waynaynaaya, oo sujuuda ay ula jeensadaan, ka dib Nabigu scw wuxuu sheegay in Ilaahay uu cariyey oo ka fogeeyey naxariistiisa qofka qabuurta Nabiyada ka dhigta masaajid, waayo qabriga in masjid laga dhigto waxay sabab u noqon in la caabudo oo la aamino.
Abii Hureyra-Allaha ka raali ahaadee-wuxuu yiri: Rasuulka Alle-naxariis iyo nabadi korkiisa ha ahaatee-wuxuu yiri: "Ilaahay wuu caroodaa, mu'uminkuna wuu caroodaa, carada Ilaahey waa inuu mu'uminku la yimaado wax Ilaahay ka xarimay".
Al-Bukhari and Muslim
Nabigu wuxuu sheegay-naxariis iyo nabadi korkiisa ha ahaatee-in uu Ilaahay Qiiroodo oo caroodo oo karaahsado, sida mu'uminkuba u qiiroodo oo u caroodo oo u karaahsado, sababta Ilaahay u caroodana, waa in mu'uminku la yimaaddo waxa Ilaahay ka xarimay ee xumaan ah, sida sinada, liwaadka, tuugonimada, khamri cabida iyo xumaanta kale.
Cabdullaahi Binu Cumar Allaha ka raali ahaado isagiyo aabihiibe waxaa laga wariyey inuu maqley nin dhahaya: maya kacbadaan ku dhaartee, wuxuu ku yiri Ibnu Cumar: lagumo dhaarto cidaan Ilaahay ahayn, anigu waxaan ka maqlay Rasuulka Ilaahay scw isagoo dhahay: (Qofkii ku dhaarta waxaan Ilaahay ahayn wuu gaaloobay ama shirki buu la yimid).
At-Tirmidhi
Nabigu scw wuxuu sheegay qofkii ku dhaarta cidaan Ilaahay ahayn iyo magacyadiisa iyo sifaadkiisa inuu Ilaahay ku kufriyey ama uu shirki la yimid, waayo dhaartu waxay keenaysaa waynaynta cida lagu dhaaranayo, waynayntana Ilaahay kaligi ayey u sugnaatay, laguma dhaarto Ilaahay, magacyadiisa iyo sifaadkiisa cidaan ahayn. Dhaartaasina waxay ka mid tahay shirkiga yar, laakiin hadii qofka dhaartay uu u wayneeyo waxa uu ku dhaartay sida waynaynta Ilaahay oo kale ama ka siidaran, markaa wuxuu noqonayaa shirkiga wayn.
Abbii Hureyra Allaha ka raalli ahaade waxaa laga wariyey inuu yiri: Rasuulka Ilaahay scw wuxuu yiri: "Salaadaha ugu culus munaafiqiinta waa labada salaadood ee cishaha iyo subaxa, hadayse ogaan lahaayeen waxa ku jira ee fadligooda ah waxay ku imaan lahaayeen gurguurasho, waxaan ku hamiyey in salaada la aqiimo oo aan nin jamaca tujiya aan u diro, aniguna intaan kaxaysto rag xirmooyin xaabo ah sita oo aan aadno qolada aan salaada imaanan oo aanu dab ku soo gubno guryahooda.
Al-Bukhari and Muslim
Nabigu scw wuxuu sheegay in munaafiqiinta iyo ka caga jiidkooda iyo karahsigooda salaaddaha, gaar ahaanna labada salaadood ee cishaha iyo subaxa, haday ogaan lahaayeen ajarka iyo fadliga ku jira salaadahaa oo jamac lagu tukado way iman lahaayeen xataa sida caruurta gur-guurad ay gacmaha iyo jilbaha ha ku yimaadeene. Nabigu wuxuu go'aan saday inuu amro in salaadda la aqiimo, oo nin dadka ka mida imaam noqdo oo dadka tujiyo, isaguna intuu kaxaysto kuwo xaabo sida oo ay aadaan raga aan salaada jamaca imaanayn oo uu guryahooda dab ku soo gubo, waayo waxay sameeyeen ee dambi ah awgeed laakiin muuna samayn, dadka guryaha jooga ee dumar, caruur aan dambi lahayn, iyo dad ka loo cudur-daarle dambina aan lahayn dartood ayuuna sidaa u samayn.
Cabdullaahi Binu Mascuud-Allaha ka raali ahaadee-wuxuu yiri: waxaan ka maqlay Rasuulka Ilaahay-naxariis iyo nabadi korkiisa ha ahaate- isagoo dhahaya: "Dadka waxaa ugu shar badan kuwa ay saacadu ku dhacdo iyagoo nool, iyo kuwa qabuuraha ka dhigta masaajid".
Ahmad
Nabigu wuxuu sheegay-naxariis iyo nabadi korkiisa ha ahaate- dadka ugu sharka badan, oo ah kuwa ay saacaddu ku dhacdo iyagoo nool, iyo kuwa qabuuraha ka dhigta masaajid, kuna tukada qabuuraha xageedana u tukada.
Maxamud Binu Labiid -Allaha ka raali ahaadee-wuxuu Rasuulka Ilaahay ka wariyey-naxariis iyo nabadi korkiisa ha ahaatee- inuu yiri: "Waxa ugu badan ee aan idiinka cabsi qabo waa shirkiga yar", waxay dheheen asaxaabtu: waa maxay shirkiga yari Rasuulka Alloow? wuxuu dhahay: "waa istustuska , Ilaahay ayaa ku oran maalinta qiyaamaha kuwaa marka laga abaal mariyo dadka camalkooda: u taga kuwii aad is tusi jirteen noloshiinii aduunka, oo eega inaad abaal marin ka heshaan".
Ahmad
Nabigu-naxariis iyo nabadi korkiisa-ha ahaatee waxa ugu badanaa ee uu uga cabsi qabay ummaddiisa wuxuu ahaa: shirkiga yar oo ah: is tustuska, kaasoo ah inuu qofku wax u sameeyo istustuska dadka darti. Nabigu wuxuu kaloo sheegay-naxariis iyo nabadi korkiisa ha ahaatee-ciqaabta ku dhicidoonta dadka istustuska wax u sameeya, in lagu oran doono maalinta qiyaame: socda oo u taga kuwaad iyaga dartood camalka u samayn jirteen, bal soo eega inay idiin awoodaan inay ajar idinka siiyaan camalkii aad u samayseen?!
Ibnu Cabbaas Allaha ka raali ahaado isaga iyo aabihiiye inuu yiri: Rasuulka Ilaahay wuxuu ku yiri Mucaad Binu Jabal markuu u diray Yaman: (( waxaad u tagidoontaa Qolo Ahlu kitaab ah, hadaad u tagto ugu yeer inay qiraan in Ilaahay mooyee Ilaah kale oo xaq lagu caabudaa jirin, maxamedna uu yahay rasuulkii Ilaahay, haday intaa kaa yeelaan, u sheeg in Ilaahay ku faral yeelay shan salaadood habeen iyo maalin walba, haday intaa kaa yeelaan u sheeg in Ilaahey ku faral yeelay sadaqo laga qaadayo intooda maalka leh, oo lagu celinaayo intooda saboolka ah, haday intaa kaa yeelaan, waxaan kaaga digayaa xoolahooda kuwa ugu fiican inaad ka qaado, iskana ilaali ducada kan la dulmiyey, waayo isaga iyo Ilaahay xijaab uma dhexeeyo.
Al-Bukhari and Muslim
Nabigu scw markuu u diray Mucaad Binu Jabal Allaha ka raali ahaade dhulka Yaman isagoo daaci iyo macalin ah wuxuu u cadeeyey inuu u tagi doono Qolo Nasaaro ah, si uu isugu diyaariyo, ka dibna uu dacwada uu ugu yeerayo ka bilaabo siday u kala muhiimsan tahay. Wuxuu ugu yeerayaa hagaajinta caqiidada marka koowaad, taaso ah inay qiraan in Ilaahay mooyee Ilaahay kale oo xaq lagu caabudo jirin, Nabi Maxamedna yahay Rasuulkii Ilaahay. Waayo iyaday Islaamka ku soo galayaan, hadii ay taas u hogaansamaan wuxuu amrayaa inay salaada oogaan, waayo waa tan ugu wayn waajibka towxiidka ka dib. Hadii ay oogaan salaada wuxuu amrayaa kuwooda xoolaha leh inay bixiyaan sakada xoolahooda siiyaana ku wooda saboolka ah, wuxuuna uga digay inuu ka qaado xoolaha kuwa ugu fiican, waayo waajibku waa dhex dhexaadka. Ka dibna wuxuu u dardaarmay inuu ka fogaado dulmiga, si aanu kan la dulmiyey u habaarin, waayo baryadiisa Ilaahay waa aqbalayaa.
