Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
Ittaama e Ibnu Abbaas yo Alla weleɓe(yo allah yardo he mabbe)o wii: Mi woniina caggal Nelaaɗo Alla ñalawma gooto, O maaki (o wii): " aan cukalel, pellet mami anndin ma konngi, reen Alla O reen ma, reen Alla tawaa Mbo sera ma, si haɗa ñaago ñaaga Alla, si haɗa wallikino wallakina Alla(si e dabiti balla dabbitin he allah),, anndu si leñol ngol fof renndii ngam ngol naf ma huunde, ɓe nafataa ma si wonah ko Alla winndan ma ko, siɓe kawrii ngam ɓe lor ma, ɓe lorataa ma si wonah ko Alla winndan ma ko, kuɗi ɓamtaama , ɗereeji cojjii".
At-Tirmidhi
Ibnu Abbaas ina habra wonde ko o suko o wonno hombo waɗɗadii e Annabi yo o his, Oon maakani mbo: pellet mbeɗa anndin ma geɗe ɗe Alla nafirat ma: Reenru Alla siinude jamirooɗe makko e reen-taade kaɗaaɗe makko, o tawma e ɗoftaare e geɗe ɓallinooje Alla, O tawataa ma e goopi e bakkatuuji, si a waɗii ɗuum njoɓdi ma wona reeneede e boneeji aduna e laakara, Alla wallu ma e haajuuji ma kala ɗo paandiɗa. Si a faalaama ñaagaade hunde, ñaaga Alla tan sabu ko kanko tan jaabato ñaagatooɓe. Si a faalaama ballal woto wallakino mbo wonah Alla. Yanane a heɓatah nafoore si yimɓe leydi ndi fof ndentii ngam nafde ma si wonah ko Alla winndan ma ko, a heɓatah lorla si yimɓe aduna ɓe fof ndentii ngam lorde ma si wonah ko Alla hoddiri ko e dow ma. O fiyaaku Alla winndii mbo O hoddari mbo fotde ñeeñal makko e ganndal makko hay gooto waylata ko Alla winndi ko.
Ittaama e Abu Hurayrata yo Alla wele mbo(yo allah yardo he makko ) wonde Nelaaɗo yo jam e kisal won e makko maaki(o wii): " Leñulam ngol fof (al omma on , tomate on)naatat aljanna si wonah caliiɗo", ɓe mbii: Aan Nelaaɗo Alla hombo salato? O Maaki: " ɗoftiiɗo Mi naata aljanna, goopɗo Mi o saliima".
Al-Bukhari
Annabi ina habra wonde leñol mum(tomotte) fof naatat aljanna si wonah caliiɗo! Sahabaaɓe ɓe yo Alla weleɓe mbii hombo salato Aan Nelaaɗo Alla? Mbo jam e kisal woni e makko jaabi: Oon ɗoftiiɗo Mi rewi e Am naata aljanna, oon goopɗo Mi o siinaani sariya o saliima naatde aljanna sabu golle makko bonɗe ɗe.
Ittaama e Ɓiy Umar yo Alla weleɓe o wii: Nelaaɗo yo jam e kisal won e makko maaki: " Kala nanndiniiɗo e yimɓe ko e maɓɓe o jeya".
Abu Dawood
Annabi yo jam e kisal ngon e makko ina habra wonde kala mbo nanndadinii e yimɓe heefaɓe reeɓe e naafigeeɓe wollo yimɓe moƴƴuɓe ɗuum woni nde o waɗata hono piɓle wollo dewe wollo aadaaji maɓɓe, oon ko e maɓɓe jeya; sabu nanndinaade e maɓɓe ko ɓanngi ina adda nanndidinaade e maɓɓe ko wirnii, sikke alah nanndidinaade addata ɗum ko yooɗeede ɓe, ɗuum ina adda yiɗde ɓe e mawninde ɓe e wuuraade e maɓɓe, ɗum ina fooɗo aade e nanndidinaade e maɓɓe haa e nder e dewe, heɗen mooli Alla e ɗuum.
Ittaama e Abu Ayyuuba Al Ansaarii yo Alla wonde Nelaaɗo Alla yo jam e kisal ngon e makko maaki:(o wii) " Daganaaki gorko nde o hiiɗato musiɗɗo mum ( daganaki neddo tajo sakike mum) ko ɓuri jemmaaji tati, ɓe kawra oya ɗuurno o ne ɗuurno, ɓuri moƴƴude e maɓɓe ko gadiiɗo salminde o".
Al-Bukhari and Muslim
Annabi yo jam e kisal ngon e makko haɗii de juulɗo taƴatoo juulɗo banndum ko ɓuri jemmaaji tati, ɓe kawra gooto e maɓɓe fof ɗuurno goɗɗo ɓe mbaasa salmandirde. Ɓuri moƴƴude e ɓee ɗiɗa dukduɓe ko etatooɗo ittude ngal taƴandiral, o ado salminde, faanda e taƴaade noon ko taƴaraade ngam belaaɗe fittaandu, kono tawi ko taƴaade ngam hakke Alla hono taƴaade woopooɓe e bidayankooɓe e wondiiɓe bonɓe, ɗuum dottantaake waktu, kono ƴeewete ko fotde maslaha taƴagol ngol, taƴagol ngol fawato ko e gasde ko saabi taƴagol ngol.
Ittaama e Abii Sirmata yo Alla wele mbo(yo allah yardo he makko) wonde Nelaaɗo yo jam e kisal ngon e makko maaki:(owii) " Kla lorɗo Alla lora mbo, kala cattinɗo Alla sattinana mbo".
Ibn Maajah
Annabi yo jam e kisal ngon e makko reentanii naatnude ko lorata e juulɗo, wollo addande mbo satteende e kala huunde e kuule makko; e fittaandu makko wollo e jawdi makko wollo koreeji makko, kala baɗɗa ɗuum Alla yoɓat mbo yeru golle makko,,.
Ittaama e Abii Sa'iid Al Khudrii yo Alla wele mbo,( yo alla yardo he makko) o nanii Nelaaɗo- yo kisal won e makko- ina maaka: " Kala e mon njiiɗo paŋkare yo o waylirɗe junngo makko, si o hattanaani yo o waylir ɗemngal makko ngal, si o haɗtanaani yo o waylir ɓernde makko nde, ko ɗuum ɓuri lohde goomɗingol.
Muslim
Nelaaɗo yo kisal won e makko ina yamira wayylirde pankare- ɗuum woni kala ko Alla Hé nilaademako haɗi- fotde kattanɗe,(baode) Si o yi'ii ko boni ina waɗɗii mbo waylirde ɗum junngo si tawii hombo waawii, Si o roŋkii ɗuum yo o waylir ɗum ɗeɓngal makko, ɗuum wonirta ko haɗde mbo e hollude mbo lor majjum e tinndinde mbo moƴƴere gaa e bone, Si o horiima o tolno yo o waylir ɗum ɓernde makko, ɗuum woni hollirde añde ɗe paŋkare e fellitde si o heɓna doole e walude ɗuum o waylatna ɗum, Waylirde ɓernde ɓuri leesɗude e marta- baaji gooŋɗingol ko faati e waylude bonannde.
Ittaama e Ibnu Mas'uud yo Alla wele mbo, o wii:(yo alla yardo hemeko) Gorko wi'i: An Nelaaɗo mbela emin njaggire ko min mbaɗno saanga Jaahiliya-majjiyankooɓe-? O maaki:" kala moƴƴinɗo e islaam o jaggirtaake ko o waɗno saanga majjiyankooɓe, kala mbo bonni e islaam o jaggire ko adii ko e sakkati ".
Al-Bukhari and Muslim
Nelaaɗo yo kisal won e makko ina holla ɓural naatde e islaam. E wonde kala jebbaliiɗo o moƴƴini islaam makko o woni laɓɓinɗo gooŋɗuɗo; o haasbetaake ko o golluno saanga majjiyankooɓe. Kala mbo bonni e islaam hono o woni naafige wollo o yartadini e diine makko, o haasbete ko o waɗno saanga keefeeru e ko o golli e islaam.
Ittaama e Jaabir yo Alla wele mbo:(alla yardo Hé mako) Gorko naaɓniima Nelaaɗo yo jam e kisal won e makko, o wii: mbela si mi juulii juulɗeele parlaaɗe koor mi lewru , ndaknu mi ko dagi, karmin mi ko harmi, mi ɓeydaani e ɗuum hay huunde, mbela mi naatat aljanna? Nelaaɗo maaki "eey", o wii wollaahi mi ɓeydatah e ɗuum hay huunde.
Muslim
Annabi yo jam e kisal won e makko ina hollira wonde kala juulɗo juulɗeele joy parlaaɗe ɗe, o ɓeydaani heen hay huunde e naafilaaji, o hoori lewru koorko o gattaani, o fiɓi dagaade ko dagi o golli ɗum, o fiɓi harmude ko harmi o woɗɗatii ɗum o naatat aljanna.
Ittaama e Abuu Maalik Al Ash'arii yo Alla wele mbo o wii: Nelaaɗo yo jam e kisal won e makko maaki: " Laaɓal ko feccere Iimaan(imanagal), yettude Alla ina hebbina peesirgal(manndakke) subhinade Alla e yettude Mba ina hebbina ko woni hakkunde kammuuji e leydi, juulde ko annoore, sadaka ko ɓanngannduye, muñal ko ndaaygu, Quraana ko hujja ma wollo e dow ma, yimɓe fof ko dawooɓe, ko jeeyoowo fittaandu makko wollo dimɗinoowo ndu wollo kalkoowo ndu".
Muslim
Annabi ina habra wonde: laaɓal ɓanngungal ko sallige wonirta e lootngal janaaba ɗum ko sarɗi e nder juulde. E wiide:" mi yettii Alla ina hebbina peesirgal(etergal)" ko ɗuum woni mantude Alla ceniiɗo O, e sifaraade Mbo sifaaji timmal ɗuum peesete( eterte)ñande darnga ɗum hebbina peesirgal golle.(etergal golleji) E wiide" senaare woodanii Alla e yettude Alla" ɗuum woni seninde Alla e kala ustaare e sifaraade Mbo sifaaji timmal kaanduɗi e manngu Makko e yiɗde Mbo e mawninde Mbo ina hebbina ko woni hakkunde kammuuji e leydi. E wonde "juulde ko annoore" wonande macuuɗo Alla e nder ɓernde makko, e yeeso makko, e yenaande makko, e saango nde o mooɓate. E wonde" sadak (sadaka)ko daliil" sadaka ko daliil gooŋɗude iimaan(imanagal) jiyaaɗo, e seertude mbo e nafige kaɗoowo sadak sabu waasde mbo gooŋɗinde ko foda ko. E wonde" muñal ko ndaaygu" -ko ɗuum woni sokde fittaandu haɗandu faayde e tikkude- ko annoore wondunde e nguli e cumu, hono ndaaygu naange; sabu ko ɗum cattuɗum hoɗum hatajini e haɓtaa- de fittaandu e surde ndu e belaaɗe mayru, jom mayru seeratah jalbanniiɗo peewɗo duumiiɗo e peewal, ɗuum woni muñde e ɗoftaare Alla, e muñde e musib- baaji e nooneeji gañaaɗi ka aduno. E wonde " Quraana ko hujjo ma wollo e dow ma" ka janngugol mbo e gollirde mbo, wollo ko "hujjo e dow ma" si a accii mbo a golliraani mbo wollo a dursitaaki mbo. Refti Nelaaɗo mo jam e kisal woni e mum habri wonde yimɓe ɓe fof ko yahooɓe hoɓe caro ɓe ummo e ɗoyɗi maɓɓe ɓe njalta galleeji maɓɓe ngam golloyde golleeji ceertuɗi. Ina e maɓɓe pooccatooɓe e ɗoftaare Alla o rimɗina fittaandu makko e yiite, ina e maɓɓe gooñatooɗo o yana egoopi o halkira ndu naatde jaynge.
