Hadeeth Cards
Da'wa cards that highlight great meanings from the noble prophetic hadiths in a simple style and attractive display that helps the Muslim to have a deeper understanding of his religion in an easy way
All
ఇబ్రాహీం నఖయీ నుండి, హమ్మామ్ ఇబ్న్ హారిథ్ ఉల్లేఖన: జరీర్ మూత్ర విసర్జన చేసిన తర్వాత ఉదూ చేసి, తన మేజోళ్లపై మసాహ్ చేశారు. అప్పుడు ఆయన్ని, 'మీరు ఇలా చేస్తారా?' అని ప్రశ్నించగా, ఆయన ఇలా బదులిచ్చారు: 'అవును, నేను రసూలుల్లాహ్ సల్లల్లాహు అలైహి వసల్లం మూత్ర విసర్జన చేసిన తర్వాత ఉదూ చేసి, తన మేజోళ్లపై మసాహ్ చేయడాన్ని చూశాను. అల్-అఅమష్ తెలిపారు: ఇబ్రాహీం ఇలా అన్నారు: 'వారు ఈ హదీథును చాలా ఇష్టపడేవారు; ఎందుకంటే సూరహ్ మాయిదహ్ అవతరించిన తర్వాత జరీర్ ఇస్లాం స్వీకరించడం జరిగింది.'
అల్ బుఖారీ మరియు ముస్లిం నమోదు చేసినారు
జరీర్ బిన్ అబ్దుల్లా రదియల్లాహు అన్హు మూత్ర విసర్జన చేసి, తరువాత ఉదూ చేసినారు. ఆయన తన పాదాలను నీటితో కడగకుండా, తన మేజోళ్ళపై మసహ్ చేసి సరిపెట్టినారు. అప్పుడు ఆయన చుట్టూ ఉన్నవారు ఆయనతో, "మీరు ఇలా చేస్తారా?!" అని అన్నారు. దానికి ఆయన, "అవును, నేను ప్రవక్త సల్లల్లాహు అలైహి వసల్లం మూత్ర విసర్జన చేసి, తరువాత ఉదూ చేసి, తన మేజోళ్ళపై మసహ్ చేయగా చూశాను" అని అన్నారు. ఉదూ ఆయతు ఉన్న సూరతుల్-మాయిదహ్ అవతరించిన తర్వాత జరీర్ ఆలస్యంగా ఇస్లాం స్వీకరించడం, ఖుఫ్ఫైన్ (తోలు సాక్సుల) పై మసహ్ చేయడం ఆ ఆయతు ద్వారా రద్దు చేయబడలేదని సూచిస్తుంది.
జాబిర్ బిన్ సమురహ్ రదియల్లాహు అన్హు ఉల్లేఖన: ప్రవక్త సల్లల్లాహు అలైహి వసల్లం ఫజ్ర్ నమాజ్ ముగించిన తరువాత, సూర్యుడు బాగా ఉదయించే వరకు ఆయన నమాజు చేసిన చోటనే కూర్చునేవారు, ఆయన ఫజ్ర్ (ఉదయం) నమాజు చేసిన చోట నుండి సూర్యుడు ఉదయించే వరకు లేచేవారు కాదు. సూర్యుడు ఉదయించిన తర్వాతనే లేచేవారు. సహాబాలు (జాహిలియ్యా) అజ్నా కాలం నాటి విషయాలను మాట్లాడుకుంటూ, నవ్వుకునేవారు మరియు ప్రవక్త సల్లల్లాహు అలైహి వసల్లం కూడా చిరునవ్వు నవ్వేవారు.
ముస్లిం నమోదు చేసినారు:
ప్రవక్త సల్లల్లాహు అలైహి వసల్లం యొక్క సున్నత్ (సంప్రదాయం) ఏమిటంటే, వారు ఫజ్ర్ నమాజ్ చేసిన తర్వాత, సూర్యుడు ఉదయించి పైకి వచ్చే వరకు తాను ఫజ్ర్ నమాజ్ చేసిన స్థలంలోనే కూర్చునేవారు. వారు ఫజ్ర్ నమాజ్ చేసిన ఆ స్థలం నుండి సూర్యుడు ఉదయించే వరకు లేచేవారు కాదు. సూర్యుడు ఉదయించిన తరువాత ఆయన అక్కడి నుండి లేచేవారు, మరియు ఆయన మౌనంగా ఉండగా, సహాబాలు తాము ఇస్లాం స్వీకరించడానికి పూర్వం జరిగిన కొన్ని విషయాల గురించి మాట్లాడుకుంటూ, ఆనాటి తమ అజ్ఞానానికి నవ్వుకునేవారు మరియు ఒక్కోసారి ఆయన కూడా వారితో పాటు చిరునవ్వు నవ్వేవారు.
అబూ హురైరాహ్ రదియల్లాహు అన్హు ఉల్లేఖన: “రసూలుల్లాహ్ సల్లల్లాహు అలైహి వసల్లం ఇలా పలికినారు: «అల్లాహ్ దాసీలను అల్లాహ్ మస్జిదుల నుండి నిరోధించకండి, కానీ వారు సువాసనలు పూసుకోకుండా రావాలి»
అబూదావూద్ నమోదు చేసినారు:
ప్రవక్త సల్లల్లాహు అలైహి వసల్లం స్త్రీ యొక్క సంరక్షకుడిని మరియు ఆమె బాధ్యత వహించే వారిని, స్త్రీలను మస్జిదులకు వెళ్ళకుండా నిరోధించడాన్ని నిషేధించారు మరియు స్త్రీలు బయటకు వెళ్ళేటప్పుడు, వారు పురుషుల ఆకర్షణకు మరియు పాపానికి పాల్బడే కారణంగా మారకుండా ఉండేందుకు, సువాసనలు పూసుకోకుండా మరియు అలంకరణలు చేసుకోకుండా వెళ్ళాలని ఆదేశించారు.
అబూ హురైరాహ్ రదియల్లాహు అన్హు ఉల్లేఖన: “రసూలుల్లాహ్ సల్లల్లాహు అలైహి వసల్లం ఇలా పలికినారు: «ఎప్పుడైనా, మీలో ఎవరైనా మస్జిదు లోపలికి ప్రవేశిస్తూ ఉంటే, అతడు ప్రవక్తపై సలాం పంపి ఇలా పలకాలి: “అల్లాహుమ్మఫ్’తహ్ లీ అబ్వాబ రహ్మతిక” (ఓ అల్లాహ్! నా కొరకు నీ కరుణాకటాక్షముల ద్వారములను తెరువుము), అలాగే మస్జిదు నుండి బయటకు వెళ్ళునపుడు అతడు ప్రవక్తపై సలాం పంపి ఇలా పలకాలి: “అల్లాహుమ్మ అ’సిమ్నీ మినష్ షైతానిర్రజీమ్” (ఓ అల్లాహ్! బహిష్కరింపబడిన షైతాన్ నుండి నన్ను రక్షించు)», మరియు హాకిం ఉల్లేఖన ప్రకారం: «అలాగే బయటకు వెళ్ళునపుడు అతడు ప్రవక్త సల్లల్లాహు అలైహి వసల్లంపై సలాం పంపి ఇలా పలకాలి: “అల్లాహుమ్మ అజిర్నీ మినష్ షైతానిర్రజీమ్” (ఓ అల్లాహ్! బహిష్కరింపబడిన షైతాన్ నుండి నాకు శరణు ప్రసాదించు)».
ఇబ్న్ మాజహ్ మరియు హాకిమ్ నమోదు చేసినారు:
ప్రవక్త సల్లల్లాహు అలైహి వసల్లం ఒక ముస్లిం మస్జిదులోనికి ప్రవేశించాలనుకున్నప్పుడు, అతడు ప్రవక్త సల్లల్లాహు అలైహి వసల్లంపై ఈ విధంగా సలాం పంపాలని మార్గదర్శకం చేశారు: అల్లాహుమ్మ సల్లి వసల్లిమ్ అలా ముహమ్మద్, ఆ తర్వాత ఇలా పలకాలి: (అల్లాహుమ్మఫ్’తహ్ లీ అబ్వాబ రహ్మతిక). మరియు బయటకు వెళ్ళినప్పుడు ప్రవక్తపై సలాం పలకాలి మరియు ఇలా చెప్పాలి: (అల్లాహుమ్మ ఇ’సిమ్నీ మినష్షైతానిర్రజీమ్), మరియు హాకిమ్ ఉల్లేఖన ప్రకారం: ఇలా చెప్పాలి: (అల్లాహుమ్మ అజిర్నీ మినష్షైతానిర్రజీమ్).
సాద్ ఇబ్నె అబీ వఖ్ఖాస్ రదియల్లాహు అన్హు ఇలా ఉల్లేఖించారు: ప్రవక్త సల్లల్లాహు అలైహి వసల్లం తన చెంప యొక్క తెలుపు కనబడేంతగా తన కుడి వైపునకు తిరిగి మరియు ఎడమ వైపునకు తిరిగి సలాం చేయగా నేను చూశాను.
ముస్లిం నమోదు చేసినారు:
సఅద్ బిన్ అబీ వఖ్ఖాస్ రదియల్లాహు అన్హు తెలిపారు, ప్రవక్త సల్లల్లాహు అలైహి వసల్లం తన నమాజులో సలాం పలికేటప్పుడు, మొదటి సలాం కోసం తన కుడి వైపునకు మరియు రెండవ సలాం కోసం తన ఎడమ వైపునకు ఎంతగా ముఖాన్ని తిప్పేవారంటే, (వెనుక ఉన్నవారికి) ఆయన చెంప యొక్క తెలుపు కనిపించేది.
అబ్దుల్లాహ్ ఇబ్న్ అనమహ్ ఉల్లేఖన: నేను అమ్మార్ బిన్ యాసిర్ మస్జిదులో ప్రవేశించి నమాజు చేయడం చూశాను, ఆయన నమాజును చాలా క్లుప్తంగా చేసారు. ఆయన బయటకు వచ్చినప్పుడు, నేను ఆయన వద్దకు వెళ్లి, "ఓ అబుల్ యఖ్జాన్, మీరు నమాజును చాలా క్లుప్తంగా చేసారు" అని అన్నాను. దానికి ఆయన, "నేను దాని నియమాలలో దేనినైనా విడిచిపెట్టినట్లు మీరు చూశారా?!" అని అడిగారు. నేను "లేదు" అని సమాధానమిచ్చాను. అప్పుడు ఆయన ఇలా అన్నారు: "నిశ్చయంగా, షైతాన్ పరధ్యానం నుండి తప్పించుకోవడానికి నేను తొందరపడ్డాను. నేను రసూలల్లాహ్ సల్లల్లాహు అలైహి వసల్లం ఇలా చెప్పగా విన్నాను: «నిశ్చయంగా ఒక దాసుడు నమాజు చేస్తాడు, కానీ అతనికి దాని నుండి పదవ వంతు, తొమ్మిదవ వంతు, ఎనిమిదవ వంతు, ఏడవ వంతు, ఆరవ వంతు, ఐదవ వంతు, నాలుగవ వంతు, మూడవ వంతు, సగం తప్ప పుణ్యం వ్రాయబడదు (నమాజులో తన పరధ్యానం కారణంగా పుణ్యాలు కోల్పోతాడు)».
ఆహ్మద్ నమోదు చేసినారు:
అమ్మార్ బిన్ యాసిర్ రదియల్లాహు అన్హుమా మస్జిద్‌లోకి ప్రవేశించి ఒక తేలికపాటి నఫిల్ నమాజ్ చదివారు. ఆయన మస్జిద్ నుండి బయటకు రాగానే, అబ్దుల్లా బిన్ అనమహ్ ఆయనను అనుసరించి, "ఓ అబుల్ యఖ్జాన్! మీరు మీ నమాజ్‌ను చాలా తేలికగా ముగించడాన్ని నేను చూశాను!" అని అన్నారు. దానికి అమ్మార్ రదియల్లాహు అన్హు ఇలా అన్నారు: "నేను దాని మూలస్థంభాలలో (అర్కానులలో), విధులలో (వాజిబ్ లలో) లేదా షరతులలో దేనిలోనైనా విడిచిపెట్టినట్లు లేదా తగ్గించినట్టు మీరు చూశారా?!" అతను, “లేదు” అని అన్నాడు. అప్పుడు అమ్మార్ ఇలా అన్నారు: "అందుకే షైతాను నన్ను పరధ్యానంలో పడవేయక ముందే నేను దానిని సంక్షిప్తం పూర్తి చేశాను. ప్రవక్త సల్లల్లాహు అలైహి వసల్లం ఇలా తెలియజేశారు: ‘నిశ్చయంగా ఒక దాసుడు నమాజ్ చేస్తాడు, అయితే అతనికి దాని ప్రతిఫలంలో పదవ వంతు లేదా తొమ్మిదవ వంతు లేదా ఎనిమిదవ వంతు లేదా ఏడవ వంతు లేదా ఆరవ వంతు లేదా ఐదవ వంతు లేదా నాలుగవ వంతు లేదా మూడవ వంతు లేదా సగభాగం మాత్రమే వ్రాయబడుతుంది.’
అబ్దుల్లాహ్ బిన్ ముఘఫ్ఫల్ (రదియల్లాహు అన్హు) ఉల్లేఖనం : “ప్రవక్త సల్లల్లాహు అలైహి వసల్లం ఇలా పలికినారు: “నమాజు కొరకు ఇవ్వబడే రెండు పిలుపులకు మధ్య (అదాన్ మరియు ఇఖామత్ ల మధ్య) నమాజు ఉన్నది; నమాజు కొరకు ఇవ్వబడే రెండు పిలుపులకు మధ్య నమాజు ఉన్నది” తరువాత మూడవసారి ఆయన సల్లల్లాహు అలైహి వసల్లం “ఎవరైతే చదవాలనుకుంటున్నారో వారి కొరకు” అన్నారు.
అల్ బుఖారీ మరియు ముస్లిం నమోదు చేసినారు
ఈ హదీథులో ప్రవక్త సల్లల్లాహు అలైహి వసల్లం ఇలా వివరిస్తున్నారు: ప్రతి అదాన్ మరి ఇఖామత్’ల మధ్య నఫీల్ నమాజు ఉన్నది. ఈ విషయాన్ని ఆయన సల్లల్లాహు అలైహి వసల్లం మూడు సార్లు పునరావృతం చేసినారు. మూడవసారి – ఎవరైతే అదాన్ మరియు ఇఖామత్ లమధ్య నమాజు చదవాలుకుంటున్నారో ఇది వారి కొరకు - అని ఆయన సల్లల్లాహు అలైహి వసల్లం సూచించినారు.
అబూ సయీద్ అల్ ఖుద్రీ రదియల్లాహు అన్హు ఉల్లేఖన: రసూలుల్లాహ్ సల్లల్లాహు అలైహి వసల్లం ఇలా పలికినారు: «మీరు మీ మృతుల వద్ద లా యిలాహ ఇల్లల్లాహ్ పలకండి».
ముస్లిం నమోదు చేసినారు:
ప్రవక్త సల్లల్లాహు అలైహి వసల్లం ఇలా ఉద్బోధించారు: మరణం ఆసన్నమైన వారి వద్ద, వారు పలికేంత వరకు మనం తౌహీద్ వాక్యమైన "లా ఇలాహ ఇల్లల్లాహ్" ను పలుకుతూ ఉండాలి, తద్వారా అది వారి చివరి పలుకు అవుతుంది.
ఉబైదుల్లాహ్ బిన్ అదీ బిన్ అల్-ఖియార్ రదియల్లాహు అన్హు ఉల్లేఖన: ఇద్దరు వ్యక్తులు నాకు ఇలా తెలిపారు: మేము హజ్జతుల్ విదా సందర్భంలో ప్రవక్త సల్లల్లాహు అలైహి వసల్లం వద్దకు వెళ్ళాము. అప్పుడు ఆయన సదకా (దానధర్మాలు) పంచిపెడుతున్నారు. మేము కూడా దాని నుండి కొంత ఇవ్వమని ఆయనను అడిగాము. అప్పుడు ఆయన మమ్మల్ని పైనుంచి క్రింది వరకు చూశారు. మేము దృఢంగా ఉన్నట్లు గమనించి, ఇలా అన్నారు: «మీరు కోరుకుంటే నేను మీకు ఇస్తాను, కానీ ఇందులో ధనవంతునికి ఎలాంటి వాటా లేదు, అలాగే సంపాదించగల శక్తిమంతునికి కూడా (వాటా) లేదు».
అబూ దావూద్ మరియు అన్నసాయీ నమోదు చేసినారు:
హజ్జతుల్ విదా సందర్భంలో, ప్రవక్త సల్లల్లాహు అలైహి వసల్లం సదఖా పంచుతుండగా ఇద్దరు వ్యక్తులు ఆయన వద్దకు వచ్చి, దాని నుండి తమకు కూడా ఇవ్వమని అడిగారు. అప్పుడు ప్రవక్త సల్లల్లాహు అలైహి వసల్లం, వారికి సదఖా తీసుకోవడం ధర్మసమ్మతమా కాదా అని వారి పరిస్థితిని తెలుసుకోవడానికి, వారిద్దరి వైపు పదేపదే చూసారు. ాయన సల్లల్లాహు అలైహి వసల్లం వారిద్దరినీ బలవంతులుగా చూసి, ఇలా అన్నారు: మీరు కోరుకుంటే నేను మీకు సదాఖా నుండి ఇస్తాను, కానీ ఇందులో తనకు సరిపడా ధనం ఉన్నవారికి మరియు అతని వద్ద సంపన్నుడిగా పరిగణించబడేంత ధనం లేకపోయినప్పటికీ కష్టపడి సంపాదించగల శక్తి ఉన్నవారికి ఎలాంటి వాటా లేదు.
